اللاعب سجل في مباراة فيتا وتسبب في ركلة جزاء امام الاسماعيلي وبدأ تدريجيا يرجع لمستواه قبل قدوم بواليا وده المستوى اللي كان السبب في انضمامه للمنتخب وبداية تصنيفه كواحد من اهم المهاجمين في مصر.
من الحاجات اللي موسيماني لم يحسن التصرف فيها هي طريقة ادخال بواليا في التشكيل على حساب محمد شريف. قبل انضمام بواليا انا عملت مقارنة بين شريف وبواليا وكان الثنائي متقارب جدا في المستوى بل يمكن قولت شريف بيتفوق بعض الشئ لانه اكثر مرونة داخل الملعب. فلما جه بواليا ولعب اساسي على شريف الشئ الوحيد اللي كان ممكن يعكس ان ده قرار الفريق استفاد منه فنيا هو ان بواليا كان يسجل باستمرار فيكون ده مبرر للقرار وده محصلش. اذا فنيا إعادة التعامل مع وضع الثنائي مهم جدا.
بواليا بيوصل بشكل كبير هو اكثر اللاعبين محاولات في مباراة فيتا ولكن دقة محاولاته قليلة جدا وبالنسبالي السبب نفسي والنقلة كبيرة من الجونة للأهلي. هنا في فلسفتين للمدربين تناولناهم في الحلقة الاخيرة من الأهلي خط احمر اما اصرار المدرب انه يدي اللاعب وهو سئ لحد ما يتخلص من القلق انه هيشارك او لا نتيجة اشراكة وهو لا يسجل ودي طريقة متبعة ولكن لا تصلح للأهلي حاليا لأن وضع الفريق في افريقيا ميساعدش المدرب ابدا انه ينفذ الفكرة دي بالعكس ممكن المدرب يدفع الثمن غالي لو اصر عليها. وفي فلسفة تانية وهي اني ادي الفرصة لمهاجم اخر وابدأ ادي بواليا في ظروف تساعده نفسيًا على التأقلم يعني ينزل والفريق دائما متقدم ومفيش ضغوط النتيجة فيبدأ ياخد الثقة.
طيب لو في احتياج فني ضروري لبواليا انه يبدأ هنا لازم شريف يشارك كمهاجم تاني او كجناح . لازم نحافظ على ان شريف بيساهم في الاهداف ونحاول ان بواليا كمان يبدأ يعمل ده وشريف موجود ونتجنب تماما سيناريو الدفع ببواليا على حساب شريف على الاقل طول ما شريف بيساهم في اهداف.
إرسال تعليق