موسمياني مش هيكمل في الأهلي وآخره تعثر تاني ومش هيتحمل الضغط الإعلامي والجماهيري ، وهيفضل طول مهو موجود هيتقال نفس الكلام اللي بيتقال.
موس طول ماهو موجود هيدفع ضريبة انه اسمراني وأفريقي علشان كده هنفضل ديما تسمع اكليشه " اقل من الأهلي " رغم أنه حقق كل حاجه معاك ومع غيرك وفاز عليك بسكور وعمل كل حاجه.
موس طول ماهو موجود الجمهور حاطه في ظل " فايلر " في اقرب تعثر هتلاقي محبينه ظهرو كده فجأه مع إن مثلا فايلر مكسبش ولا ماتش خارج أرضه ونفس الأداء السيئ ده .
موس طول ماهو موجود مطالب انه يكسب سكور حتي لو فوزت بنتيجه معقوله لا هو عايز نتيجه معينه ولو جاب النتيجه هيقولك فين الأداء؟ ولو فوزت ب أداء هيقولك دي فرقه ضعيفه.
موس لو تمت إقالته أو استقالته اللي انا متوقعها قريب جدا بسبب البيئة غير صالحه للعمل هنعرف حضرتك تجيب فايلر حبيب قلبك ؟ ولو ملقتش فايلر وجبت مدرب تاني هتفضل طول عمرك تتوحم علي فايلر ؟
لو فضلنا بنفس الاسلوب ده واللي شوفته النهارده من الجمهور صعب ننافس علي بطوله لأن اللاعيبه ولا المدرب مش مرتاحين عليهم ضغط مقصود منك انت مش ضغط طبيعي راجع من المرحله نفسها يعني .
انتقد بس بعقلانية، انا ولا انت اصحاب قرار علشان نمشي ونجيب ولو كل خساره أو تعادل عايز تغير مدرب مش هتبقي كوره ولا اسلوب اصلا .
انا مش هبطل انتقد ومش هركب الموجه ولا هنتصر لرأي مصلحه فريقي اهم من رأي واهم من اي شيئ...لأول مره اشوف جمهور الأهلي حمل عالنادي .
إرسال تعليق