بث مباشر مباراة الاهلي ونهضة بركان

عد ماتش بالميراس وأثناء إحتفال اللاعبين ف أوضة اللبس الشناوي كان بيكلم اللاعيبة وبيحفزهم بصفته قائد الفريق وقالهم نصاً " أنا قولتلكم ي رجالة لما بتصدقوا إنكم لاعيبة جامدة بتبقوا لاعيبة جامدة "

الجملة دي التمست فيها حاجة بتحصل وهي إن لاعيبة الأهلي لما بتحب تظهر بمستوى كويس ومفيش تحفظ فعلاً بنظهر بشكل كويس أيا كان المنافس

* ف ماتش بيراميدز الأهلي نزل متحفظ ومعندوش شراسة هجومية ولكن لما حبينا مهاجم ونفرض نفسنا ظهرنا بشكل إيجابي وبالتحديد من الدقيقة 70 لنهاية الماتش هددنا مرماهم وبالفعل سجلنا ولكن الهدف تم إلغاءه

* ف ماتش الدُحيل لعبنا شوط أول عالمي قدرنا نسجل هدفين منهم هدف تسلسل وعملنا شوط أول مثالي وقدرنا نفرض نفسنا بشكل ملحوظ ولكن لما تراجعنا الشوط التاني حسينا إن الأهلي منزلش الملعب الشوط التاني غير آخر 10 دقايق

* ف ماتش البايرن نزلنا متحفظين الشوط الأول وخايفين وبالفعل مظهرناش بأي شكل الشوط الأول ولكن الشوط التاني لما الفريق قرر يبقى ندّ قوي عمل شوط كويس مقارنة بالشوط الأول وإن لم يكن فيه هجمات حقيقية لكن كمستوى كنا أفضل عن الشوط الأول

* ف ماتش بالميراس نزلنا من أول دقيقة حاطين الفوز هدفنا ليس إلا وبالفعل قدرنا نكون أفضل ع مدار 90 دقيقة من بطل أمريكا الجنوبية وقدرت تخطف منه المركز التالت وتحقق إنجاز البرونزية من جديد

والنهاردة كذلك كنا سيئين طول 88 دقيقة ولكن لما حبينا نظهر ضيعنا فُرص وكنا قريبين من التسجيل رغم سوء الأداء طوال الماتش

اللي عايز أقوله إن الخسارة واردة أكيد ومفيش فريق هيفضل يكسب ع طول لأن ده مستحيل ولسه الأهلي هيتغلب ولسه هنلعب ماتشات سيئة لأن ده عرف كرة القدم

لكن لما يبقى بإمكانك الفوز وعندك القدرة إنك تظهر أفضل يبقى ليه لأ ؟ طالما فيه الإمكانية اللي تخليك ف وقت قليل تعمل اللي معملتوش من أول الماتش فا ليه نحط نفسنا ف الخانة دي وإحنا ف إمكاننا نعمل الأفضل

أخيراً.. الفريق واللاعبين والجهاز الفني لهم كل الدعم فيما هو قادم إن شاء الله...