مروان محسن بيمر بحالة نفسية سيئة جدا بسبب الضغوطات وسخرية البعض منه، وفيه كلام منتشر إنه طلب يخرج إعارة.
مبدأيا رأينا الفني في مروان معروف، لكن في النهاية هو بني آدم، صحيح احنا بنسعى دايما اننا ندور على مهاجم يكون يستحق بقوة انه يلعب في الأهلي ولكن مينفعش سعينا دا يخلينا نصيب إنسان بأزمة نفسية.
هي دي إمكانيات مروان ودي شخصيته، أحيانا بيكون مروان يستحق الانتقاد واحنا بنفسنا بننتقده، لكن لازم الانتقاد دا يبقى في حدود ما بعد أي مباراة يقصر فيها، لكن مينفعش يتحول لمادة سخرية. مينفعش حتى وهو غايب وبعيد عن الملاعب لأي سبب يكون تريند سخرية على السوشيال ميديا!
يمكن جزء شايف مروان لا يستحق يلعب في الأهلي وجزء شايفه يستحق،، لكن الأهم من النقطتين دول هو إنه بني أدم وعنده أهل. خصوصا إن مروان عمره ما كان له عداوات مع جمهور أي نادي.
كل الدعم يا مروان لإنك إنسان قبل ما تكون لاعب كرة قدم.
إرسال تعليق