انت متخيل اللي فالصورة؟!!!
النهاردة كنت راكب القطر فشوفت الشاب ده ، شاب فاقد ٣ من أطرافه ومعندهوش غير ايد واحدة ،، تخيل يعمل ايه؟
يشحت؟ ... لا خالص
الشاب ده كان معاه مكنة فوري وبيبيع كروت شحن فالقطر، تخيل انه مش واقف مكانه مستني الناس تجيله لا ده بيلف القطر رايح جاي، تخيل صعوبة الحركة اللي بيواجهها والتعب اللي بيتعبه عشان يلف القطر طول النهار رايح جاي بجزء صغير من رجليه، واحنا بستنى الحاجة تجيلنا على مقاسنا عشان نقبلها!!!
تخيل نفسيته عاملة ازاي وهو بيتحرك وسط ناس كلها سليمة، ومع ذلك سبحان الله كان بيضحك عادي مع واحد معدي من جنبه ولما اخد الفلوس كان بيبوسها شكرا لربه، ايه الرضا ده وايه العجز اللي احنا فيه ده، داحنا طول النهار نشتكي يارب اشمعنا انا ويارب ليه معنديش زي فلان!!!
والاكتر من كده انه بيبيع الكرت اللي بعشرة جنيه بعشرة جنيه من غير زيادة مع انك لو روحت محل ممكن تلاقيه بعشرة ونص، مع انه يقدر يستغل عجزه ويقول ب١١ و١٢ والناس مش حتقوله حاجة ،،، تخيل مع حاله ده ومعندهوش جشع بيبقى عند ناس عندها ملايين!!!
فالنهاية اقدر اقولك
ان العجز عجز العقول والنفوس مش عجز الاجساد..
ان مهما كان حالك ارضى بيه لأنك بنعمة ناس كتير نفسها فيها..
واخرا لو لم تكن هناك حياة آخرة لما كانت هذه الدنيا عادلة..
إرسال تعليق