وايه اللي هيحصل لما نقعد فى البيت أسبوعين
الناس تتساءل : يعنى بعد الأسبوعين دول هيحصل إيه ؟
ما احنا هنرجع تانى لحياتنا و الفيروس هينتشر تانى ؟
خد بالك معايا : الناس دلوقتي أربع أنواع :
١- ناس لم يصلها الفيروس : و دا هيستفيد إنه مش هيجيله العدوى .
٢- ناس حاملة الفيروس من غير اى أعراض ، فدول قعدتهم فى البيت مش هيعدوا حد، و مع الوقت الأجسام المناعية هتقضى على الفيروس اللى فى جسمهأ .
٣- ناس حاملة للفيروس و عندها أعراض خفيفة ، ودول قعدتهم فى البيت هتخليهم مش هيعدوا حد ومناعة الجسم مع الوقت هتقتل الفيروس فى جسمهم برضو وبعد الأسبوعين هيكون اتخلص من الفيروس و اكتسب مناعة طبيعية كمان.
٤- ناس حاملة للفيروس و عندها اعراض شديدة ودول محتاجين يروحوا المستشفى و يتعالجوا فيها .
الأهم من كل ذلك ...
ان الفيروسات اللى انتشرت على الأسطح و الأرض و حتى لو فى الهواء هتموت بعد أسبوعين لو مالقتش جسم انسان تتكاثر فيه .
**المهم خلال الأسبوعين دول -لو التزمنا -ممكن الفيروس يموت فى الخارج لو مالقاش جسد يدخله و يموت فى داخل اجسامنا كمان
الفيروس محتاج جسد بنى ادم علشان يتكاثر و لو مالقاش بيموت و هى دى الفكرة من القعاد فى البيت .
للأسف طول ما احنا عايشين حياتنا عادى و احنا قاعدين نعدى بعض
سواء ظهر علينا مرض أو مظهرش الفيروس بيتكاثر و ينتعش و هو جوة جسم الانسان و ممكن كمان يقوى و يتحور و يبقى اشرس.
وهو دا اللي حصل بالفعل فقد كشف العلماء في منظمة الصحة العالمية أن سلالة كورونا المستجد في بعض الدول لا تشبه تلك التي ظهرت في الصين لا في تركيبها ولا في أعراضها.
فاعتكف في بيتك واقض وقتك فى طاعة ربك وادعوه أن يكشف عنا البلاء والوباء فهو وحده ولي ذلك والقادر عليه.
إرسال تعليق