قالوا عني " الماچيكو _ الساحر _ أمير القلوب "
أنا اللي إبتديت من الصفر وجيبتها من تحت إشتغلت
فـ مصنع طوب وگافحت وتعبت عشان أبني نفسي بـ نفسي
وأساعد أبويا
أنا رمز للأخلاق والأدب " الجم " أنا أسطورة برة الملعب وجواة أنا اللي بـ يحترمني المنافسين قبل الزملاء
أنا اللي فـ الترسانه كان عقدي 200 ألف جنيه أيام الفلوس ماكانت فلوس ولما قرروا يرفعوا قيمة الـ عقد لـ 230 رفضت عشان مكونش خدت أكتر من ( أحمدزغلول ) صديق عمري
أنا اللي رفضت تقاضي 50 ألف يورو من أمير الكويت الشيخ
صباح أحمد الصباح نظير مشاركتي مع نجوم العالم في مباراة ودية بـ مناسبة إفتتاح ملعب جابر الدولي
أنا اللي رفعت قميص " تعاطفاً مع غزة " 😢
أنا اللي كان بـ يستناني عمال النادي عشان نصلي الفجر ونفطر مع بعض وتليفوناتي كانت معاهم ومش مع الصحفيين
أنا القاتل المبتسم اللي كانت أهدافي رصاصة رحمة في قلوب المنافسين والخصوم
أنا القدوة والمثل في العطاء والإنتماء والتضحية والتواضع وعمل الخير والإلتزام والإنضباط
أنا اللي رفعت قميص " نحن فداك يارسول الله " 💜
أنا اللي تم تكريمي في گل المحافل الدولية وتمت دعوتي
للـعب بـ جوار نجوم وأساطير اللعبه في العالم
أنا اللي كنت بـ شتري كتب دينية وأهديها لـ مانويل جوزيه عشان يعرف أكتر عن تعاليم وسماحة الإسلام
أنا اللي جالي عرض إحتراف بـ 5 مليون دولار من الهلال السعودي في 2008 ورفضته لما شوفت إستقبال جماهير الأهلي ليا في مطار القاهرة بعد العودة من گأس العالم للأندية
أنا اللي طلبت ألبس تيشيرت 72 في رحله إحترافي في الإمارات مع نادي " بني ياس " تخليدآ لـ ذكري الشهداء
أنا اللي أبويا مات وإتحرمت من إني أدفنه وآخد عزاه
أنا اللي بـ شوف و بـ سمع كل يوم إعلاميين وصحفيين ونقاد
بـ ينهشوا في لحمي و بـ يحاولوا يكرهوا الناس فيا
و بـ يتهموني بـ الباطل و بـ يخوضوا في سيرتي وذمتي
وأنا ساكت و بـ تصدق بـ عرضي إلي الله 🙏
" وإذا أتَتْكَ مَذَمّتي من نَاقِصٍ فـ تلك الشّهادَةُ لي بأنّي كامِلُ "
أنا اللي كل الدنيا تعرف قيمتي إلا بلدي ؛ أنا اللي سيرتي الذاتيه بـ تدرس في مناهج التعليم في البلاد العربية
أنا اللي إتحجز علي أموالي وأرصدتي في البنوك وإسمي
مُدرج علي قوائم ترقب الوصول كل دة في البلد اللي إتربيت فيها واللي بشرف إسمها في كل مكان بروح فيه
إرسال تعليق